یونائیٹڈ بزنس گروپ کے سیکرٹری جنرل ظفر بختاوری نے کہا ہے کہ منڈی بہاالدین چیمبر آف کامرس اینڈ انڈسٹری کا قیام علاقے کی ترقی اور خوشحالی کے لیے اہم پیش رفت ثابت ہوگا ۔اس سے منڈی بہاولدین میں تجارتی اور صنعتی سرگرمیوں کو فروغ حاصل ہوگا اور یہ پنجاب میں اپنی اہمیت افادیت کے حوالے سے اپنا منفرد مقام حاصل کرے گا ۔
منڈی بہاوالدین ( ایم.بی.ڈین نیوز 6 جولائی 2021) انہوں نے ان خیالات کا اظہار آج اسلام آباد میں منڈی بہاوالدین چیمبر کے وفد سے ملاقات کے دوران کیا ۔جوکہ خصوصی طور پر چیمبر کے صدر حیدر رضا نقوی کی قیادت میں ان سے ملاقات کے کے لئے آیا تھا ۔ وفد میں نائب صدر عرفان تارڑ ، کیپٹن ریٹائرڈ تیمور احمد اور ،میاں زاہد ، شامل تھے ۔
منڈی بہاولدین چیمبر کے صدر حیدر رضا نقوی نے کہا ہے کہ ہم یونائیٹڈ بزنس گروپ کے ساتھ ہیں اور ملک میں بہتر صنعتی و تجارتی سرگرمیوں کے فروغ کے لیے یونائیٹڈ بزنس گروپ کی قیادت پر مکمل اعتماد کا اظہار کرتے ہیں. انہوں نے یونائیٹڈ بزنس گروپ کی قیادت کو منڈی بہاالدین کے دورے کی دعوت بھی دی اور عنقریب یو بی جی کا وفد منڈی بہاولدین کا دورہ بھی کرے گا ۔
