لاہور (اپنے سٹی رپورٹر سے ) لاہور،گوجرانوالہ، راولپنڈی ڈویژن کی مویشی منڈیاں نیلام. سیکرٹری لوکل گورنمنٹ اسد رحمان گیلانی اور ڈی جی کوثر خان کی زیر صدارت پنجاب بھر کی مویشی منڈیوں کی نیلامی کی جا رہی ہے ۔
گزشتہ روز لاہور ، گوجر انوالہ، راولپنڈی ڈویژن کی مویشی منڈیوں کی نیلامی مجموعی طور پر 1 ارب 58 کروڑ 21 لاکھ روپے میں کی گئی ،لاہور ڈویژن کی 4 منڈیاں 1 ارب 16 کروڑ میں نیلام کی گئیں، شاہ پور کانجر اں 90 کروڑ 21 لاکھ ، شیخوپورہ 25 کروڑ 50 لاکھ 50 ہزار ، ننکانہ 18لاکھ میں نیلام کی گئی۔
گوجرانوالہ ڈویژن کی 5 مویشی منڈیاں 23 کروڑ 27 لاکھ میں نیلامی کی گئیں ، گجرات 13 کروڑ 55 لاکھ ،حافظ آباد 5 کروڑ 75 لاکھ ،منڈی بہاؤالدین 3کروڑ 15 لاکھ ،ظفر وال 71 لاکھ 50 ہزار، ایمن آباد 10 لاکھ 75 ہزار میں نیلام ہوئی۔راولپنڈی ڈویژن کی 7مویشی منڈیاں 18کروڑ 94لاکھ میں نیلامی کی گئیں.
مویشی منڈی گوندل 6 کروڑ 75 لاکھ ، ڈومیل 4 کروڑ 50 لاکھ، گلی جاگیر 68 لاکھ ، تلہ گنگ 3 کروڑ 4 لاکھ، چکوال 2 کروڑ 70 لاکھ میں نیلام ہوئی ،پنجاب بھر کی مویشی منڈیو ں کی نیلامی کا عمل 7 روز تک جاری رہے گا۔
