اپنے متنازع لباس اور بیانات کی وجہ سے خبروں میں رہنے والی خوبصورت اداکارہ علیزہ شاہ نے ایک بار پھر سوشل میڈیا پر آگ لگا دی ہے۔ اداکارہ علیزہ شاہ کی ایک ویڈیو وائرل ہو رہی ہے جس میں مبینہ طور پر ان کا بوائے فرینڈ بھی موجود ہے۔
وائرل ویڈیو میں ایک نوجوان کو اداکارہ علیزہ کو کھانا کھلاتے ہوئے دیکھا جا سکتا ہے تاہم نوجوان کا چہرہ نظر نہیں آ رہا۔ سوشل میڈیا پر صارفین کا دعویٰ ہے کہ یہ ہاتھ علیزہ شاہ کے بوائے فرینڈ کا ہو سکتا ہے جس کے ساتھ تصاویر پہلے بھی وائرل ہو چکی ہیں۔
علیزے شاہ کا اپنی اسموکنگ ویڈیو لیک ہونے پر قانونی کارروائی کا فیصلہ
مداحوں اور سوشل میڈیا صارفین کو یہ انداز بالکل پسند نہیں آیا اور اس پر شدید تنقید کی گئی۔ ایک نے تبصرہ کیا کہ اب وہ معصوم دعا نہیں رہی جو ڈرامہ ‘عہد وفا’ میں دیکھی گئی تھی۔ ایک اور صارف نے لکھا، “یہ کس قسم کی حرکتیں ہیں؟ کیا مشہور ہونے کے صرف یہی طریقے ہیں؟”
اسی طرح صارفین نے یہ بھی پوچھا کہ کیا یہ حرکتیں کسی مسلمان اور پاکستانی کے حق میں ہیں؟ یاد رہے کہ علیزہ شاہ اس سے قبل اداکارہ منسا ملک کے ساتھ جھگڑے اور شازیہ منظور کے ساتھ ریمپ واک کے تنازع کی وجہ سے خبروں میں رہی ہیں۔
