مسلم لیگ ن نظریاتی گروپ کے رہنما ناصر علوی کی لندن میں میاں نواز شریف سے 1 گھنٹے سے زائد ملاقات ہوئی. جس میں منڈی بہاؤالدین کی سیاست کے بارے میں تفصیلی گفتگو ہوئی.
منڈی بہاءالدین (ایم.بی.ڈین نیوز 15 مارچ 2022) گفتگو کے دوران ناصر علوی نے ن لیگ کی مقامی قیادت کے بارے میں بات کرتے ہوئے کہا کہ یہ لوگ مسلم لیگ ن کے نظریاتی کارکنوں کے خلاف جھوٹے پرچے اور دھمکیوں کی سیاست کر رہے ہیں. جس پر میاں نواز شریف نے اسحاق ڈار کو مقامی قیادت کے روئیے کی مکمل تحقیقات کروانے اور ایکشن لینے کا کہا.
مزید تفصیلات کے مطابق ناصر علوی نے ایم پی اے حمیدہ وحیدالدین کا سلام اور خصوصی پیغام بھی میاں نواز شریف کو پہنچایا. اور میاں صاحب نے کہا کہ حمیدہ وحیدالدین میری بھتیجی ہیں اور میں دلی طور پر چاہتا ہوں کہ حمیدہ صاحبہ ضلع منڈی بہاؤالدین میں دھڑے بندی ختم کرنے کے لئے اپنا کردار ادا کریں.
