وزیر اعلیٰ پنجاب سید محسن رضا نقوی اور چیف سیکرٹری پنجاب زاہد اختر زمان کی ہدایت پرایڈیشنل ڈپٹی کمشنر ریونیو ذوالفقار احمد نے مختلف کالجز کے مستحق 325 طالب علموں میں 26 لاکھ 76 ہزار روپے کے چیکس تقسیم کر دئیے ۔
منڈی بہاوالدین( ایم.بی.ڈین نیوز 02 اگست 2023 ) اس حوالے سے ایک تقریب محکمہ زکوٰة کے زیر اہتمام ڈی سی آفس میں منعقد ہوئی۔اس موقع پر ڈپٹی ڈائریکٹر کالجز محمد فاروق پھپھرا، ڈسٹرکٹ زکوٰة آفیسر سمیت دیگر متعلقہ افسران اور طلباءکی کثیر تعداد بھی موجود تھی۔
ایڈیشنل ڈپٹی کمشنر ریونیو کا کہنا تھا کہ مستحق طالب علم ملک کا قیمتی اثاثہ ہیں، جنہیں کسی بھی طرح نظر انداز نہیں کیا جا سکتا، حکومت کی جانب سے کی گئی حوصلہ افزائی سے یہ طالب علم مستقبل میں ملک کا نام روشن کر سکتے ہیں۔انہوں نے کہا کہ پنجاب حکومت مستحق طالب علموں کی امداد کیلئے تمام وسائل بروئے کار لا رہی ہے۔