منڈی بہاؤالدین کے بیشتر علاقے شدید دھند اور سموگ کی لپیٹ میں. منڈی بہاؤالدین کے مختلف و بیشتر مقامات پر شدت کے ساتھ دھند چھائی ہے ۔
قادرآباد ، پھالیہ ، گوجرہ ، ملکوال سمیت منڈی بہاؤالدین کے اکثر علاقوں میں سموگ اور دھند کا راج ہے. سفر کے دوران فوگ لائٹ کا استعمال لازمی کریں۔ شدید دھند اور سموگ کے دوران غیر ضروری سفر سے گریز کریں ۔
لاہور: پنجاب حکومت نے اسموگ کی صورتحال کے پیش نظر 10 اضلاع میں جمعہ، ہفتہ اور اتوار کو 3 دن اسکول بند رکھنے کا فیصلہ کیا ہے۔
تفصیلات کے مطابق نگراں وزیراعلیٰ پنجاب محسن نقوی کی زیر صدارت پنجاب کی صورتحال کے پیش نظر اجلاس ہوا۔ جس میں سموگ سے بچاؤ کے لیے نرم لاک ڈاؤن نافذ کرنے کا فیصلہ کیا گیا۔
اجلاس میں پنجاب کے 10 اضلاع میں جمعہ، ہفتہ اور اتوار کو اسکول بند رکھنے کا فیصلہ کیا گیا۔ لاہور، ننکانہ صاحب، شیخوپورہ، قصور، گوجرانوالہ، گجرات، سیالکوٹ، نارووال، حافظ آباد اور منڈی بہاؤالدین میں سکول 3 دن کے لیے بند رہیں گے۔
نگراں وزیراعلیٰ محسن نقوی نے اتوار کو تمام مارکیٹیں مکمل بند رکھنے کا حکم دیتے ہوئے کہا کہ جمعہ اور ہفتہ کو تین بجے کے بعد مارکیٹیں کھولنے کی اجازت ہوگی۔ محسن نقوی نے کہا کہ 29 نومبر کو مصنوعی بارش کرانے کی کوشش کی جائے گی تاہم اتوار کو مال روڈ سائیکلنگ کے لیے مختص کیا جائے گا۔