وزیر اعلیٰ پنجاب مریم نواز شریف کی ہدایت پر ”نگہبان رمضان پیکج” کے تحت ضلع منڈی بہاوالدین میں مستحق خاندانوں میں گھر گھر راشن بیگز تقسیم کرنے کا سلسلہ جاری ہے، اب تک ضلع بھر میں مجموعی طور پر مفت راشن کے 22 ہزار 500 تھیلے تقسیم کئے جا چکے ہیں اور یہ سلسلہ تسلسل سے جاری ہے۔
منڈی بہاوالدین (ایم.بی.ڈین نیوز 12مارچ 2024 ) ڈپٹی کمشنر شاہد عمران مارتھ کا کہنا تھا کہ وزیراعلیٰ پنجاب کے ”نگہبان رمضان پیکج” کے تحت ضلع بھر میں 90 ٹیمیں تشکیل دی گئی ہیں جو 73 ہزار 987 سے زائد رجسٹرڈ غریب اور مستحق گھرانوں میں فوڈ ہیمپرز ان کی دہلیز پر مفت تقسیم کر رہی ہیں۔
نگہبان رمضان پیکج کے مخصوص تھیلوں میں اعلی قسم کے 2 کلو چاول، 2 کلو گھی، 2 کلو چینی، 2 کلو بیسن اور 10 کلو آٹے کا تھیلا شامل ہے، تینوں تحصیلوں میں اسسٹنٹ کمشنرز کی زیر نگرانی راشن کی فراہمی جاری ہے، وزیر اعلی پنجاب کے نگہبان رمضان پیکج میں مفت راشن کی فراہمی میں میرٹ اور شفافیت کو ہر صورت یقینی بنایا جا رہا ہے۔