حافظ آباد (نمائندہ دنیا )حافظ آباد کو گجرات ڈویژن میں شامل کئے جانے کے ساتھ ہی ضلع کے ساتھ امتیازی سلوک شروع ہو گیا ۔ پولیس بھرتی کے دوران حافظ آباد کو کانسٹیبل کی صرف 20 سیٹیں دی گئیں جبکہ منڈی بہاؤ الدین کو کانسٹیبل کی 500 اورگجرات کو 182 سیٹیں دیکر ضلع کے عوام کے حقوق کو سلب کئے جانے لگا ۔
یہ بھی پڑھیں: منڈی بہاؤالدین میں 9 ارب کے منصوبے چل رہے ہیں، پرویز الہی
ذرائع کے مطابق حافظ آباد ضلع میں پہلے ہی پولیس کی نفری کم چلی آرہی ہے لیکن یہاں پر پولیس کانسٹیبل کی زیادہ سیٹیں دینے کے بجائے صرف 20سیٹیں دی گئیں حالانکہ منڈی بہاؤالدین میں پولیس کی پہلے ہی نفری 2،215 ہے جبکہ حافظ آباد ضلع کی نفری ایک ہزار سے بھی کم ہے ۔
سروے میں شہریوں نے وزیر اعلیٰ پرویز الٰہی کی جانب سے صوبے کے خزانے کے 500 ارب روپے کے تمام فنڈز گجرات اور منڈی بہاؤالدین کے اضلاع پر خرچ کرنے کو بھی شاہ خرچی قراردیا اور کہا کہ اس سے حافظ آباد سمیت پنجاب کے دیگر تمام اضلاع میں احساس محرومی بڑھا ہے
