منڈی بہاؤالدین پولیس نے تھانہ قادرآباد کے علاقہ کو ٹ ہست خاں میں دوران مویشی چوری قتل ہونے والے مسمی خالد محمود کےنامعلوم قاتلوں کو 24گھنٹے کے اندر لاہور سے گرفتار کر کے سرقہ شدہ مویشی برآمد کر لیے ۔منڈی بہاؤالدین پولیس عوام کی جان و مال کی حفاظت کے لیے کسی قسم کی قربانی سے دریغ نہیں کریں گے۔ انور سعید کنگراDPO
منڈی بہائوالدین ( ایم.بی.ڈین نیوز 17 جون 2022) مورخہ 14/15.06.22کی درمیانی شب مسمی خالد محمود اپنے ڈیرہ واقع کوٹ ہست خاں موجود تھا کہ نامعلوم ملزمان نے خالد محمود کا گلہ گھونٹ کر قتل کر دیا اور اس کے ڈیرہ سے 14راس مال مویشی چوری کر کے فرار ہو گئے جس کا مقدمہ نمبر 301/22بجرم 396ت پ تھانہ قادرآباد درج رجسٹر ہوا ۔
یہ بھی پڑھیں: کوٹ ہست خان میں چوروں نے زمیندار کو قتل کر کے مویشی چرا کر لے گئے
ڈسٹرکٹ پولیس آفیسر انور سعید کنگرانے اس افسوس ناک واقعہ کا فوری نوٹس لیا اور خود موقع وزٹ کیا موقع پر ہی CIAمنڈی بہاؤالدین اور مقامی پولیس کی سپیشل ٹیمیں جن میں ملک عدنان احمد DSPپھالیہ ،SHO قادرآباد ،SHOتھانہ پھالیہ ،محمد نوازسب انسپکٹر انچارج چوکی ٹاہلی اڈا، خرم شہزاد SI/CIA ، احمد جمال SI/CIA، کسٹیبل زاہد محمود متعینہ تھانہ قادرآباد تشکیل دے کر ملزمان کی فوری گرفتاری کا ٹاسک دیا .
جنہوں نے بروقت کاروائی کرتے ہوئے لاہور کے علاقہ جھگیاں نزد دریائے راوی سے24گھنٹے کے اندر بین الاضلاعی گینگ کے 03اراکین کو گرفتار کرکے 14راس مویشی مالیتی ایک کروڑ روپے برآمد کر لیے ۔ کاروائی کرنے والی ٹیموں کے ممبران کو ڈسٹرکٹ پولیس آفیسر کی جانب سے نقد انعام و تعریفی سرٹیفکیٹ سے نوازا گیا۔
