Tag: Al Asar Mall Mandi Bahauddin

  • منڈی بہاؤالدین اور ساہیوال کے پیف پارٹنر سکولوں کا کیو اے ٹی مکمل

    منڈی بہاؤالدین اور ساہیوال کے پیف پارٹنر سکولوں کا کیو اے ٹی مکمل

    لاہور ( ایجوکیشن رپورٹر) پیف کے تعلیمی منصوبوں فاؤنڈیشن اسسٹڈ سکول پروگرام، ایجوکیشن واؤچر سکیم اور نیو سکول پروگرام سے منسلک پیف پارٹنر سکولوں میں کوالٹی ایشورنس ٹیسٹ کا آغاز کر دیا گیا ہے ۔

    صوبہ بھر کے 7ہزار سے زائد پیف پارٹنر سکولوں کے 3لاکھ26ہزار167 طالب علموں کاٹیسٹ لیا جائے گا۔ پیف پارٹنر سکولوں میں 15فروری2023تک کیواے ٹی جاری رہے گا۔ تفصیلات کے مطابق ضلع منڈی بہاؤالدین اور ساہیوال کے 346 پیف پارٹنر سکولوں میں 14ہزار 987طالب علموں کاکیو اے ٹی بڑے احسن انداز میں مکمل ہو چکا ہے ۔

    ضلع بھکر، گجرات، ملتان، پاکپتن، رحیم یار خان، سرگودہا اور سیالکوٹ میں 411 پارٹنر سکولوں کے 18ہزار 7 سو 47 طالب علموں کا ٹیسٹ آج کے روز مکمل کیا جائیگا۔ پیف انتظامیہ کی جانب سے پارٹنر سکولوں کے تعلیمی معیار کو جانچنے کیلئے ہر سال ٹیسٹ کا اہتمام کیا جاتا ہے اور یہ ٹیسٹ پارٹنرز سکولوں کی پیمنٹس کو برقرار رکھنے کے لیے بہت اہم ہے ۔

    پہلی مرتبہ ٹیسٹ میں ناکام ہونے کی صورت میں پیف پارٹنر سکول کو وارننگ دی جاتی ہے ، دوسری مرتبہ ٹیسٹ میں ناکامی کی صورت میں پیف پارٹنرز کو 50 فیصد پیمنٹ کی ادائیگی کی جاتی ہے۔

  • العصر مال میں نئے سال کی آمد کے سلسلہ میں منعقد ہونے والامیوزیکل کنسرٹ کینسل

    العصر مال میں نئے سال کی آمد کے سلسلہ میں منعقد ہونے والامیوزیکل کنسرٹ کینسل

    متحدہ علماء کونسل کی کوشش رنگ لے آئیں. العصر مال، مال آف منڈی بہاءالدین میں نئے سال کی آمد کے سلسلہ میں منعقد ہونے والامیوزیکل کنسرٹ کینسل کر دیا گیا.

    منڈی بہاءالدین (‌ایم.بی.ڈین نیوز 31 دسمبر 2021) علماء اکرام اور العصر مال کی انتظامیہ کے درمیان ڈی ایس پی صاحب نے معاہدہ کروا دیا ہے کہ کسی قسم کا کوئی میوزیکل پروگرام نہیں ہوگا اسی طرح کوئی ٹک ٹاکرز نہیں آئینگے اور نہ ہی کوئی آتش بازی ہوگی کسی قسم کا کوئی غیر شرعی غیر اخلاقی پروگرام نہیں ہو گا

    یاد رہے کہ متحدہ علماء کونسل ضلع منڈی بہاوالدین کا اہم اجلاس منعقد ہوا تھا جس میں یہ اعلانیہ جاری ہوا تھا کہ آج بروز جعمہ مبارک اگر العصر مال میں نیو ائیر نائٹ کنسرٹ پروگرام ہوا، تو بعد از نماز عشاء چیمہ چوک میں تمام جماعتوں کا احتجاجی پریس کانفرنس کریں گے اور پروگرام کو روکنے کے لیے آخری راست اقدام تک جائیں گے اور پروگرام روکیں گے، حالات خراب ہونے کی تمام تر ذمہ داری ضلعی انتظامیہ پر ہو گی.