امریکی اخبار نے خبردار کیا ہے کہ پاکستان رواں ہفتے گرمی کا عالمی ریکارڈ بنا سکتا ہے۔ واشنگٹن پوسٹ کا کہنا ہے کہ جنوبی ایشیا میں اس ہفتے گرمی کا عالمی ریکارڈ 50 ڈگری تک پہنچ سکتا ہے۔
امریکی اخبار نے خبردار کیا ہے کہ پاکستان کے وسطی اور جنوبی علاقوں میں درجہ حرارت پچاس ڈگری تک پہنچ سکتا ہے۔ واضح رہے کہ اس سے قبل اپریل 2018 میں پاکستانی شہر نواب شاہ میں پارہ 50 ڈگری تک پہنچ گیا تھا جو پورے ایشیا کے لیے گرمی کا ریکارڈ تھا۔
دوسری جانب پنجاب میں آج سے طوفان اور بارش کا الرٹ جاری کر دیا گیا ہے۔ترجمان پی ڈی ایم اے کے مطابق 30 اپریل سے 4 مئی تک راولپنڈی، مری، گلیات، اٹک، چکوال، منڈی بہاءالدین، گجرات، جہلم اور گوجرانوالہ میں گرد آلود ہوائیں چلنے اور گرج چمک کے ساتھ بارش کا امکان ہے۔
اس کے علاوہ لاہور، قصور، سیالکوٹ، نارووال، اوکاڑہ، فیصل آباد سمیت دیگر شہروں میں بھی آندھی اور بارش کا امکان ہے۔
