وفاقی وزیر داخلہ محسن نقوی نے ڈائریکٹوریٹ آف امیگریشن اینڈ پاسپورٹ کا دورہ کیا اور اہم اجلاس کی صدارت کی۔ جس کے دوران انہیں بتایا گیا کہ مختلف ممالک سے ڈی پورٹ کیے گئے 53 ہزار پاکستانیوں کے پاسپورٹ بلاک کر دیے گئے ہیں۔
اس موقع پر وزیر مملکت برائے داخلہ طلال چوہدری، سیکرٹری داخلہ محمد خرم آغا، ڈی جی ایف آئی اے رفعت مختار راجہ اور ڈی جی پاسپورٹ مصطفی جمال قاضی بھی موجود تھے۔ وزیر داخلہ محسن نقوی نے پاسپورٹ کے حصول کے لیے نئی شرائط کے لیے تمام قانونی امور جلد مکمل کرنے کی ہدایت کی۔
بیلاروس نے ہنر مند پاکستانیوں کے لیے روزگار کے مواقع فراہم کرنے کا اعلان کر دیا
انہوں نے کہا کہ نئی شرائط بھکاریوں اور غیر قانونی امیگریشن کو روکیں گی۔ ڈی پورٹ ہونے والے افراد کے پاسپورٹ بلاک کرنے کی ہدایت پر 100 فیصد عملدرآمد یقینی بنایا جائے۔ وزیر مملکت برائے داخلہ طلال چوہدری نے کہا کہ اس فیصلے سے عالمی برادری کو مثبت پیغام جائے گا۔
