گورنر پنجاب نے منڈی بہاؤالدین کے دورے کے دوران پیپلز پارٹی کے کردار اور مستقبل کے حوالے سے اہم بیانات دئیے۔ انہوں نے کہا کہ پنجاب میں پیپلز پارٹی کو ایک منصوبہ بندی کے تحت کمزور کیا گیا، لیکن اب پارٹی بحالی کے مراحل میں ہے، اور کارکنوں نے واپسی شروع کر دی ہے۔
انہوں نے کہا کہ پیپلز پارٹی ملک کی واحد جماعت ہے جو پسے ہوئے اور کمزور طبقات کے لیے کام کر رہی ہے۔ انہوں نے جوہری پروگرام، کامرہ بیس اور سی پیک جیسے اہم منصوبوں کا کریڈٹ پی پی پی کو دیتے ہوئے کہا کہ یہ جماعت نہ صرف عوام میں بلکہ سیکیورٹی کے منصوبوں میں بھی پیش پیش رہی ہے۔
گورنر پنجاب نے کہا کہ پیپلز پارٹی کو 2018 کے انتخابات میں دھاندلی ہوئی تھی تاہم اب صدر آصف علی زرداری اور چیئرمین بلاول بھٹو زرداری کی قیادت میں پارٹی نئے جوش و جذبے کے ساتھ آگے بڑھ رہی ہے۔
انہوں نے بلاول بھٹو زرداری کو ملک کا حقیقی لیڈر قرار دیتے ہوئے کہا کہ پیپلزپارٹی کا مشن بلاول بھٹو کو وزیراعظم بنانا ہے۔ گورنر پنجاب نے کارکنوں پر زور دیا کہ وہ پارٹی کی تنظیم نو میں اپنا کردار ادا کریں۔
