سیاسی دھڑوں کا جوڑ توڑ شروع، پی پی 43 میں بڑے سیاسی دھڑوں نے عارف گوندل چھموانہ کو مشترکہ امیدوار قرار دیدیا، قمر خان ساتھیوں سے مشاورت کے بعد فیصلہ کریں گے
منڈی بہاءالدین میں صوبائی اسمبلی کے حلقہ پی پی 43 میں سیاسی صورتحال نئے موڑ پر اگئی، سابق ایم پی اے پیر محفوظ مشہدی کی زیر قیادت مختلف سیاسی دھڑوں پر مشتمل کمیٹی نے مشاورت کے بعد سابق ایم پی اے عارف گوندل کو مشترکہ امیدوار قرار دیدیا.
پی پی 43 میں بڑی تبدیلی: 6 صوبائی اُمیدواروں کا حلف پہ متفقہ فیصلہ
چھموآنہ کی معروف سیاسی و سماجی شخصیت میجر (ر)ظفر گوندل نے پریس بریفنگ کے دوراں بتایا کہ پیر سید محفوظ مشہدی کی سربراہی میں مختلف سیاسی دھڑوں کا اتحاد تشکیل دیا گیا جس میں قمر خان یا عارف گوندل میں سے کسی ایک کو متفقہ امیدوار نامزد کرنے کا فیصلہ کرنا تھا، کمیٹی نے مکمل مشاورت اور اُمیدواروں کی رضامندی سے ایک امیدوار کا انتخاب کیا، کمیٹی کا فیصلہ عارف گوندل چھموانہ کے حق میں آیا۔
دونوں اُمیدواروں کی جانب سے متفقہ فیصلے کو تسلیم کرنے کا عہد کیا گیا تھا تاہم قمر خان کی جانب سے ابھی ساتھیوں سے مشاورت کا سلسلہ جاری ہے۔ دوسری جانب بڑے سیاسی گھروں اور دھڑوں کی جانب سے عارف گوندل کو متفقہ امیدوار قرار دینے اور حمایت کرنے کے ساتھ ساتھ ان کا الیکشن بھی لڑنے کا اعلان کیے جانے کے بعد حلقہ کہ سیاسی صورتحال یکسر تبدیل ہوتی نظر آرہی ہے.
