منڈی بہاﺅالدین( ایم.بی.ڈین نیوز 28 جولائی 2022) ڈائریکٹر جنرل انڈسٹریز پرائسز ویٹس اینڈ میئرز پنجاب کی ہدایت پر اسسٹنٹ ڈسٹرکٹ آ فیسر انڈسٹریز محمد بلال نے ضلع کے مختلف پٹرول پمپس، کریانہ شاپس اور کلاتھ شاپس کو اچانک کیا ۔
اور پرائس کنٹرول ایکٹ کی خلاف ورزی پر 5چالان عدالت کو بھجوا دئیے۔ کلاتھ شاپس چیکنگ کے دوران 4کلاتھ دکانداروں کے ممنوعہ گز قبضے میں بھی لے لئے گئے ۔ اس موقع پر اسسٹنٹ ڈسٹرکٹ آفیسر انڈسٹریز محمد بلال نے کلاتھ شاپس والوں وارننگ جاری کرتے ہوئے کہاکہ کپڑا بیچتے ہوئے میٹر کا استعمال کریں اور گز کا استعمال ہر گز نہ کیا جائے۔
انہوں نے کہاکہ حکومت کی جانب سے گز کے استعمال پر سختی سے پابندی ہے کیونکہ گز سے کپڑے کی پوری پیمائش نہیں ہوتی ہے ۔ انہوں نے کہاکہ آئندہ گز کا استعمال کرنے والوں سے آہنی ہاتھوں سے نمٹا جائے گااور کسی کے ساتھ رو رعائت نہ برتی جائے گی ۔
قبل ازیں انہوں نے پٹرول پمپس کا دورہ کر کے معیار اور مقدار کو چیک کیا جو کہ پورے پائے گئے ۔ انہوںنے پٹرول پمپ مالکان کو ہدایت کی کہ وہ اپنے پٹرول پمپس کے پیمانوں کو درست حالت میں رکھیں۔ زائد نرخ، ناپ تول اور اوزان میں پیمائش پر کمی کسی صورت برداشت نہیں کی جائے گی، چیکنگ کے دوران خلاف ورزیوں کے مرتکب پائے جانے والوں کو بھاری جرمانے کئے جائیں گے اور انہیں جیل کی ہوا بھی کھانا پڑے گی۔
