ڈپٹی کمشنر محمد شاہد نے ڈسٹرکٹ ڈیزاسٹر مینجمنٹ اتھارٹی کے ماہانہ اجلاس کی صدارت کرتے ہوئے کہا ہے کہ کسی بھی ممکنہ سیلاب یا مون سون بارشوں سے بچنے کے لیے تما م محکمہ جات اپنی اپنی مشینری و آلات کو چالو حالت میں رکھیں اور اپنے محکمے کا پلان بنا کر فوری مہیا کریں.
منڈی بہاوالدین ( ایم.بی.ڈین نیوز 31مارچ 2022) وہ ڈی سی کانفرنس روم میں اجلاس کی صدارت کرتے ہوئے ان خیالات کا اظہار کر رہے تھے، اجلاس میں ایڈیشنل ڈپٹی کمشنر ریونیو، ایڈیشنل ڈپٹی کمشنر جنرل محمد شفیق، اسسٹنٹ کمشنرز ، ڈسٹرکٹ ایمرجنسی آفیسر عمران خان، ڈپٹی ڈائریکٹرز کے علاوہ اریگیشن، ہیلتھ ، لائیوسٹاک، ایم سیز، ایجوکیشن اور دیگر افسران موجود تھے۔
ڈسٹرکٹ ایمرجنسی آفیسر انجینئر عمران خان نے ہل پری فلڈ مون سون کے بارے میں تفصیل سے بریفنگ دی۔ڈپٹی کمشنر نے تمام محکمہ جات کو ایک دوسرے سے رابطہ رکھنے، ڈرینز اور نالوں کی صفائی،انکروچمنٹ کو دور کرنے، فلڈ ریلیف آلات کی تیاری، دریا کے کناروں کے ساتھ ساتھ انکروچمنٹ کی ریموول کی ہدایات جاری کیں۔ ڈسٹرکٹ ایمر جنسی آفیسر نے بتا یا کہ اگلے ماہ دریائے جہلم اور چناب میں موک ایکسرسائز بھی کروائی جائے گی۔
