سابق صدر پرویز مشرف نے وزیراعظم پاکستان عمران خان کی حمایت میں ویڈیو پیغام جاری کیا ہے۔ سوشل میڈیا پر ویڈیو پیغام جاری ہوتے ہی “مشرف ” ٹاپ ٹرینڈ بن گیا۔
اپنے ویڈیو پیغام میں سابق صدر اور سابق آرمی چیف پرویز مشرف نے براہ راست عمران خان کو مخاطب کرتے ہوئے کہا کہ میں مشورہ دوں گا کہ کہ باہر نکلو اور اپنی شخصیت کے اثر کو استعمال کرو۔ انہوں نے دعا کرتے ہوئے کہا کہ میری دعا ہے کہ یہ حکومت کامیابی سے چلے اور عمران خان کامیاب ہو۔
انہوں نے یہ بھی کہا کہ چاہتا ہوں کہ پاکستان آگے بڑھ کر ترقی کرے۔ سابق صدر نے کہا کہ جیسے میں کہتا ہوں کہ “پاکستان ہمیشہ شاد و آباد رہے”۔ ویڈیو پیغام کے آخر میں ان کا کہنا تھا کہ ” سب سے پہلے پاکستان”
“Commando stands with Captain.”
Former President and Military Chief of Pakistan, Gen Pervez Musharraf shows solidarity with Imran Khan through a video message. ♥️#IstandwithImranKhan #ExServicemenWithImranKhan pic.twitter.com/jMvltmWAEB— Zain Khan Watozai (@ZainWatozai) March 27, 2022
واضح رہے کہ سابق صدر پرویز مشرف 18 مارچ، 2016 سے متحدہ عرب امارات کے شہر دبئی میں علاج کی غرض سے مقیم ہیں۔
