ڈسٹرکٹ پولیس آفیسر منڈی بہاءالدین انور سعید طاہر سے ایس ایچ او پاہڑیانوالی مجاہد فاروق کو ناقص کارکردگی پر معطل کر دیا. محرر کو شوکاز نوٹس جاری
منڈی بہاءالدین (ایم.بی.ڈین نیوز 29 جنوری 2022) ڈسٹر کٹ پولیس آفیسر انور سعید کنگرا نے تھانہ پاہڑیانوا لی کا دورہ کیا اور پولیس کی کارکردگی کا جائزہ لیا، انہوں نے ایس ایچ او تھانہ پاہڑ یانوالی سب انسپکٹر مجاہد فاروق کو آئی جی پنجاب کی ہدائیت پر عمل نہ کرنے، 9پراپر ٹی کیسز میں درخواست پر ایف آئی آر کا اندراج نہ ہونے، بیٹ بکس، ہسڑی شیٹ نامکمل، POS ٹارگٹ نا مکمل،سنگین مقدمہ اس ماہ ٹریس نہ ہونے، نہ ہی کوئی گینگ پکڑنے پر تھانہ کی ناقص صفائی اور بایو میٹرک حاضری مکمل نہ ہونے پر معطل کر کے تبدیل لائن کر دیا.
یہ بھی پڑھیں: سی آئی اے کی کاروائی: پاہڑیانوالی گینگ ریپ کے تمام 4 ملزمان گرفتار
علاوہ ازیں محرر کو ناقص صفائی اور ریکارڈ نامکمل ہونے پر شو کاز نو ٹس جاری کر دیا۔ ڈسٹرکٹ پولیس آفیسر انور سعید کنگرا کا کہنا تھا کہ آئی جی پولیس پنجاب کی سربراہی میں پولیس کے نظام کو عوام دوست بنانے کیلئے سخت اقدامات کئے جا رہے ہیں، اور محکمہ پولیس کو انتہائی باریک بینی کے ساتھ واچ کیا جا رہا ہے تاکہ مظلوم عوام اور سائلین کی داد رسی کو یقینی بنایا جاسکے.
ڈی پی او انور سعید کنگرا نے کہا کہ تھانہ میں آفسران کو پالیسی اور رولز کو فالو کرنا ہوگا جو ایسا نہیں کرے گا وہ گھر جائے گا جبکہ محکمہ میں اچھی کارکردگی اور شہرت کے حامل افسران و ملازمین محکمہ کے ماتھے کا جھومر ہوں گے انہوں نے شہریوں سے کہا کہ وہ بے جا تعریف کی بجائے انہیں حقائق سے آگاہ رکھیں تاکہ ملکر نظام میں حقیقی تبدیلی کو یقینی بنایا جا سکے
