سول ڈیفنس آفیسر علی عمران نے کہا ہے کہ کسی بھی ہنگامی صورتحال سے نمٹنے کیلئے شہری دفاع کی تربیت ہر شہری کی ضرورت ہے تا کہ کسی بھی نا خوشگوار واقعہ میں اپنا دفاع کیا جا سکے۔ انہوں نے بتایا کہ ڈائریکٹر سول ڈیفنس پنجاب کی ہدایت پر محکمہ سول ڈیفنس کی جانب سے روزانہ کی بنیاد پر ٹریننگز کا انعقاد کیا جا رہا ہے۔
منڈی بہاﺅلدین( ایم.بی.ڈین نیوز 08نومبر 2021) انہوں نے بتایا کہ محکمہ کے سی ڈی انسٹرکٹر نے ماہ اکتوبر میں ضلع کے 10 مختلف سکولز کے طلباء وطالبات کو ناگہانی آفات سے نمٹنے کیلئے فائر فائٹنگ کی تربیت فراہم کی اور باقاعدہ مشق بھی کروائی گئی جبکہ آگ بجھانے والے آلات کے بارے میں بھی آگاہی فراہم کی گئی۔
انہوں نے کہا کہ اس تربیت کا مقصد لوگوں میں اپنی مدد آپ کے تحت حادثات سے بچاو ء اور جانی و مالی نقصان بارے آگاہی فراہم کرنا ہے اور حادثہ کی صورت میں اپنے آپ کو اور دوسرو ں کو محفوظ رکھنا ہے۔علی عمران نے طلبہ و طالبات سے اپیل کی کہ وہ یہ ٹریننگ اپنے گھر میں موجود دوسرے افراد تک بھی پہنچائیں تاکہ کسی بھی قسم کے حادثہ کی صوورت میں نقصان سے بچاجا سکے۔
