منڈی بہاؤالدین ڈی پی او نے نوٹس لے لیا: سوشل میڈیا پر تشدد کی ویڈیو وائرل ملزمان گرفتار. شارع عام پر دو افراد پر تشدد کرنے والے تین ملزمان گرفتار کرلئے گئے، سٹی پولیس نے مقدمہ درج کرکے تفتیش شروع کردی
منڈی بہاوالدین (ایم.بی.ڈین نیوز 28 جون 2021) تھانہ سٹی کے علاقہ اولڈ ڈسٹرکٹ ہیڈکوارٹرز ہسپتال روڈ پر ملزمان عاصم جاوید، گلریز عباس اور شاہزیب وغیرہ نے چک نوبہار کے رہائشی سکندر حیات اور اس کے بھائی ذوالفقار کو شارع عام پر روک کر مار پیٹ کی اور اینٹوں سے زخمی کردیا ۔ واقعہ کی ویڈیو سوشل میڈیا پر بھی وائرل ہوگئی۔
ڈی پی او منڈی بہاؤالدین ساجد حسین کھوکھر نے واقعہ کا نوٹس لے کرتھانہ سٹی پولیس کو فوری کارروائی کی ہدایت کی جس پر تھانہ سٹی پولیس نے سکندر حیات کی مدعیت میں ملزمان کے خلاف مقدمہ درج کر کے ملزمان گلریز، عاصم اور شاہزیب وغیرہ کو گرفتار کرکے تفتیش شروع کردی ہے۔ وجہ عنادسابقہ درخواست بازی اور لڑائی جھگڑا ہے.
