ڈپٹی کمشنر شاہد عمران مارتھ کی ہدایت پر سیکرٹری ٹرانسپورٹ اتھارٹی فریال نعیم کی پبلک ٹرانسپورٹ کے کرایوں میں اوورچارجنگ اور کرایہ نامہ آویزاں نہ کرنے والے ٹرانسپورٹرز کے خلاف کارروائیاں، سیکرٹری ٹرانسپورٹ اتھارٹی نے ضلع کے مختلف روٹس پر چلنے والی گاڑیوں کو اچانک چیک کیا ، خلاف ورزی پر 30 گاڑیوں کے چالان، 22 گاڑیوں کو ضلع کے مختلف تھانوں میں بنداور 28 ہزار روپے جرمانہ بھی کیا۔
منڈی بہاوالدین ( ایم.بی.ڈین نیوز 18دسمبر 2023)اس موقع پر سیکرٹری آر ٹی اے فریال نعیم کا کہنا تھا کہ حکومت کی جانب سے عوام الناس کو براہ راست ریلیف پہنچانے کیلئے پٹرولیم مصنوعات کی قیمتوں میں کمی کر کے سفری گاڑیوں کے کرایوں میں بھی کمی کی گئی ہے ۔
ضلعی انتظامیہ نے پبلک ٹرانسپورٹ کے کرایوں میں 5 فیصد کمی کر دی
حکومت پنجاب اور ڈپٹی کمشنر شاہد عمران مارتھ کی واضح ہدایات کے مطابق منڈی بہاوالدین سے دیگر شہروں کے درمیان چلنے والی پبلک ٹرانسپورٹ کے کرایوں میں پانچ فیصد کمی کر دی گئی ہے. لہذا پبلک ٹرانسپورٹ کے کرایوں میں فوری طور پر کمی لائے جائے تا کہ عوام حکومتی اقدامات سے مستفید ہو سکیں۔
انہوں نے ٹرانسپورٹرز کو خبردار کیا کہ زائد کرایہ وصول کرنے والوں کے خلاف سخت کاروائی عمل میں لائی جائے گی اور کسی کے ساتھ کوئی رو رعائت نہ برتی جائے گی۔ سیکرٹری آر ٹی اے نے پبلک ٹرانسپورٹرز کو ہدایت کی کہ کرایوں میں کمی کے حوالے سے سابقہ اور نئے کرائے نامے کے بینرز تمام پبلک گاڑیوں ،بس سٹینڈز پر نمایاں جگہوں پر آویزاں کی جائیں۔