منڈی بہاءالدین: ڈائریکٹر جنرل پنجاب فوڈ اتھارٹی عاصم جاوید کی ہدایت پر ڈپٹی ڈائریکٹر آپریشنز پنجاب فوڈ اتھارٹی عدیل احمد کی زیرنگرانی فوڈ سیفٹی ٹیم نے ضلع منڈی بہاءالدین کے تمام دیسی گھی اور کھویا کے نمونہ جات اکٹھے کئے گئے۔
لیب رپورٹ کے مطابق منڈی بہاءالدین کے نواحی علاقہ بھکھی شریف میں واقع یونٹ کے نمونہ جات غیر معیاری، مضر صحت اور ملاوٹ شدہ پائے گئے جو کہ انسانی صحت کے لیے انتہائی خطرناک تھے۔
اتھارٹی کی جانب سے مالکان پر فوری ایف آئی آر درج کرکے مالکان کو عارضی طور پر کام کرنے سے روک دیا گیا۔ ڈپٹی ڈائریکٹر آپریشنز پنجاب فوڈ اتھارٹی عدیل احمد کا کہنا ہے کہ عوام الناس کو معیاری خوراک کی فراہمی پنجاب فوڈ اتھارٹی کی اولین ترجیح یے۔
ڈپٹی ڈائریکٹر کا کہنا تھا کہ انسانی صحت سے کھلواڑ کرنے والے ایسے مافیا کے خلاف یہ آپریشن عوام کو محفوظ اور معیاری خوراک فراہم کرنے کی مہم کا حصہ ہے اور یہ کاروائیاں مستقبل میں بھی جاری رہیں گی۔