وزیراعلی پنجاب مریم نواز شریف کے گندم سپورٹ پروگرام 2025 کے تحت کاشت کاروں کو 5 ہزار روپے فی ایکڑ کے حساب سے مالی امداد کے طور پر پے آرڈرز کی تقسیم کا عمل شروع ہو چکا ہے ۔
منڈی بہاءالدین ( ایم.بی.ڈین نیوز 11 جولائی 2025 ) اسسٹنٹ کمشنر پھالیہ وحید حسن گوندل نے اسسٹنٹ ڈائریکٹر زراعت پھالیہ / کسان کارڈ سہولت سنٹر کا دورہ کر کے پے آرڈرز کی تقسیم کے عمل کا جائزہ لیا اور اہل کسانوں میں خود بھی پے آرڈرز تقسیم کیے۔
منڈی بہاءالدین کے 10ہزار 312 کسانوں میں کسان کارڈ تقسیم
اسسٹنٹ کمشنر پھالیہ وحید حسن گوندل کا کہنا تھا کہ حکومت پنجاب کسانوں کو ہر ممکن ریلیف فراہم کرنے کےلئے دن رات کوشاں ہے۔ان کا کہنا تھا کہ گندم سپورٹ پروگرام کسانوں کی زرعی خود کفالت، فلاح و بہبود اور ملکی معیشت کے استحکام کی جانب ایک قدم ہے.
انہوں نے کہا کہ کسان پے آرڈر سکیم نہ صرف چھوٹے زمینداروں کو سہولت دے گی بلکہ جدید زرعی نظام کی بنیاد بھی رکھے گی۔ ان کا کہنا تھا کہ اس اقدام سے چوٹے کاشت کاروں کو عملی ریلیف حاصل ہو گا اور وہ آنے والے سیزن کیلئے بہتر تیاری کر سکیں گے۔