ملک وال(نامہ نگار) اسسٹنٹ کمشنر آفس ملکوال میں شہر کے ترقیاتی منصوبوں اور شجر کاری مہم کے سلسلہ میں خصوصی اجلاس منعقد ہوا جس میں اسسٹنٹ کمشنر عثمان غنی، ممبر پنجاب اسمبلی گلریز افضل چن، چیف آفیسر محمد بشیر تارڑ، رضوان بٹ، میاں غلام سرور اور دیگر پارٹی رہنما موجود تھے.
اس موقع پر تحریک انصاف کے ایم پی اے گلریز افضل چن نے کہا کہ شہر میں جاری ترقیاتی منصوبوں کی رفتار تیز کی جائے تمام سٹریٹ لائٹس کو فوری طور پر فنکشنل کیا جبکہ شجر کاری مہم کو کامیاب بنانے کےلئے تمام شعبہ ہائے زندگی سے تعلق رکھنے والے افراد کو متحرک کیا جائے.
بعد ازاں ممبر پنجاب اسمبلی گلریز افضل چن نے اسسٹنٹ کمشنر کے ہمراہ میانی روڈ اور اسلامیہ ہائی سکول روڈ پر جاری تعمیراتی کام کا جائزہ لیا انہوں نے متعلقہ افسران کو ہدایت کی کہ ان روڈز کا کام جلد مکمل کیا جائے ایم پی اے نے گورنمنٹ ہائی سکول میں قائم بینظیر انکم سپورٹ پروگرام کے تحت مستحق افراد کو رقم فراہم کرنے کے سنٹر کا بھی جائزہ لیا.