اشتہاری مجرمان کے خلاف کریک ڈاؤن، 292اشتہاری مجرمان گرفتار، ڈی پی او

منڈی بہاؤالدین: اشتہاری مجرمان کے خلاف کریک ڈاؤن 292اشتہاری مجرمان گرفتار. اشتہاری مجرمان کے شناختی کارڈ بلاک، 70 کے بذریعہ انٹر پول ریڈ وارنٹ جاری. اشتہاری مجرمان کی تعدا دمیں ریکارڈ کمی، متعدد گرفتار و دیگر کے گرد گھیرا تنگ، ڈی پی او ساجد کھوکھر

منڈی بہاؤالدین( ایم.بی.ڈین نیوز 14 اکتوبر 2021) ڈی پی او ساجد حسین کھوکھر کی قیادت میں اشتہاری مجرمان کے خلاف ضلعی پولیس کی موثرپلاننگ اور کریک ڈاؤن کے باعث ضلع کی تاریخ میں پہلی بار اشتہاری مجرمان کی تعداد میں اضافے کے بجائے ریکارڈ کمی واقع ہوئی ہے،

ضلعی پولیس نے ڈی پی او ساجد حسین کھوکھر کی قیادت میں اشتہاری مجرمان کے خلاف کارروائی کرتے ہوئے گذشتہ دو ماہ کے دوران 292 اشتہاری مجرمان کو گرفتار کرلیا، جن میں اے کیٹگری کے 65 اور کیٹگری بی کے 227مجرمان شامل ہیں۔اس دوران 81مجرمان اشتہاری ایزاد بھی کئے گئے، 77 عدالتی مفروران سمیت آٹھ بدمعاشوں کو بھی گرفت میں لیا گیا، اشتہاریوں کے خلاف گھیرا تنگ کرتے ہوئے 252 مجرمان اشتہاریوں کے شناختی کارڈ اورآٹھ کے پاسپورٹ بلاک کروائے گئے، 210 اشتہاری مجرموں کی جائیدادیں قرق کروائی گئیں.

یہ بھی پڑھیں: منڈی بہاءالدین پولیس کی کاروائی، 11کلو چرس، 70لٹر شراب ،6کلاشنکوف،7رائفلیں، 19 پسٹل برآمد

مزید براں اشتہاری مجرمان کے بنک اکاؤنٹ، موبائل سم اور پاسپورٹ بلاکنگ کا عمل بھی تیزی سے جاری ہے، اشتہاری مجرمان کو پناہ دینے پر مختلف تھانہ جات میں 67 مقدمات بھی درج کئے گئے، سنگین جرائم میں ملوث 93 فیصد مجرمان اشتہاریوں کے شناختی کارڈ نمبر حاصل کرکے بلاک کرادئیے گئے جبکہ بیرون ملک فرار ہوجانے والے 70 اشتہاری مجرمان کی گرفتاری کے لئے بذریعہ انٹر پول ریڈ وارنٹ بھی جاری کروائے جاچکے ہیں۔اشتہاری مجرمان کے خلاف کارروائیوں کا سلسلہ موثر طریقے سے جاری ہے، جلد گرفتار کرلیا جائے گا