لوئر دیر کی تحصیل اپر دیر کے علاقے نہاگ درہ حافظ آباد میں افسوسناک واقعہ سامنے آیا ہے جہاں ایک مقامی زمیندار نے اپنے کھیتوں میں گھسنے پر تین بے زبان بکریوں کی ٹانگیں توڑ دیں۔
پولیس ذرائع کے مطابق یہ واقعہ اس وقت پیش آیا جب بکریاں زمیندار کی زمین پر چلی گئیں حالانکہ کھیت بنجر تھا اور اس میں فصلیں نہیں تھیں۔
واڑی پولیس نے واقعے کا فوری نوٹس لیتے ہوئے زمیندار کے خلاف مقدمہ درج کر لیا ہے اور اس کی گرفتاری کے لیے خصوصی ٹیم روانہ کر دی گئی ہے۔ پولیس ذرائع کا کہنا ہے کہ زخمی بکریوں کا علاج جاری ہے اور ان کی حالت پر نظر رکھی جا رہی ہے۔