اسلام آباد:ملک کے بالائی علاقوں میں مطلع جزوی ابرآلود رہنے کے علاوہ تیز ہوائوں اور گرج چمک کے ساتھ بارش کا امکان ہے۔ محکمہ موسمیات کے مطابق بدھ کے روز اسلام آباد ، بالائی خیبر پختو نخوا، پنجاب، کشمیر اور گلگت بلتستان میں تیز ہوائوں/آندھی اور گرج چمک کے ساتھ بارش کا امکان ہے۔
اس دوران شمال مشرقی بلوچستان اور سندھ میں چند مقامات پر گرج چمک کے ساتھ بارش کی توقع ہے ۔ گذشتہ 24 گھنٹے کے دوران پنجاب، کشمیر ، بالائی خیبر پختونخوا ، بلوچستان اورمٹھی میں تیز ہوائوں/آندھی اور گرج چمک کے ساتھ بارش ہوئی ۔
ملک کے دیگر علاقوں میں موسم خشک رہا ۔سب سے زیادہ بارش خیبرپختونخوا میں ڈی آئی خان (ایئرپورٹ 52، سٹی 28)، بالاکوٹ 09، مالم جبہ 05، چراٹ 04، باچا خان ایئرپورٹ، بنوں، کاکول، پشاور سٹی 02،مردان، دیر میں 01 ملی میٹر ریکارڈ کی گئی.
پنجاب میں لیہ 35، جہلم 26، ملتان (ایئرپورٹ 21، سٹی 18)، بھکر 17، کوٹ ادو 13،لاہور (سٹی، گلشن راوی 13، جوہر ٹاؤن 12، نشتر ٹاؤن 11، لکشمی چوک، اقبال ٹاؤن، سمن آباد 10، اپر مال 06، گلبرگ، پانی والا تالاب 05، جیل روڈ، تاج پورہ 04، چوک نخودہ، 02، ایئرپوائنٹ 02 , مغل پورہ 01,، ٹی ٹی سنگھ، منڈی بہاؤالدین میں 12 ملی میٹر بارش ریکارڈ کی گئی.
ڈی جی خان، مری 11، چکوال 09، اسلام آباد (سید پور 07 ایئرپورٹ 01)، جوہرآباد، خانیوال، ساہیوال، منگلا 05، نور پور تھل، نارووال، گجرات 03، بہاولپور (ایئرپورٹ 03، سٹی 02)، جھنگ 02، سرگودھا سٹی، راولپنڈی، فیصل آباد 01،کشمیر میں مظفرآباد (شہر 30، ایئرپورٹ 29)
راولاکوٹ، کوٹلی 09، گڑھی دوپٹہ 03، بلوچستان میں لسبیلہ 21، اورماڑہ 19، تربت 11، ژوب 09، قلات، کوئٹہ 02، سمنگلی 01، سندھ میں مٹھی میں 02ملی میٹر بارش ریکارڈ کی گئی۔ اس دوران ملک میں زیا دہ سے زیادہ درجہ حرارت چھور، شہید بینظیر آباد، نوکنڈی 39، مٹھی، موہنجو دڑو اور خیرپور میں 38 ڈگری سینٹی گریڈ ریکارڈکیا گیا.