تفصیلات کے مطابق ملکوال کے نواحی گاؤں موضع آہلہ کے سینکڑوں افراد نے گائوں کا ٹرانسفارمر ٹھیک نہ کرنے پر گیپکو کے خلاف احتجاجاً ملکوال سے منڈی بہاؤالدین جانے والی مین روڈ بلاک کر دی۔
جس کے باعث ٹریفک کی روانی بری طرح متاثر ہوئی۔ مظاہرین گیپکو کے خلاف شدید نعرے بازی کرتے رہے۔ مظاہرین کا کہنا تھا کہ ان کا ٹرانسفارمر کئی روز سے خراب ہے جس کی وجہ سے پورا علاقہ تاریکی میں ڈوبا ہوا ہے لیکن گیپکو حکام کوئی کارروائی نہیں کررہے۔