صوبائی وزیر اطلاعات پنجاب عظمیٰ بخاری نے پنجاب حکومت کے آفیشل یوٹیوب چینل پر ایک ویڈیو میں کہا کہ ریسکیو 1122 میں نوجوانوں کو ایمرجنسی میڈیکل ٹیکنیشن کے طور پر انٹرن شپ کے مواقع فراہم کیے جا رہے ہیں۔
انٹرن شپ کے خواہاں افراد کا پنجاب میں ڈومیسائل ہونا ضروری ہے، جبکہ کم از کم سیکنڈ ڈویژن کے ساتھ نرسنگ، پیرا میڈیکل یا الائیڈ ہیلتھ ڈپلومہ کے حامل نوجوان انٹرن شپ کے لیے درخواست دے سکتے ہیں۔
ریسکیو 1122 میں انٹرن شپ کے لیے عمر کی حد 18 سے 30 سال ہے۔ پنجاب کے مختلف اضلاع میں اٹک کے لیے 51، بہاولنگر کے لیے 56، بہاولپور کے لیے 72، بھکر کے لیے 42، چنیوٹ کے لیے 42،ڈی جی خان کے لیے 58 اور فیصل آباد کے لیے 84 نشستیں مختص کی گئی ہیں۔
اسی طرح گوجرانوالہ کے لیے 70، گجرات کے لیے 58، حافظ آباد کے لیے 26، جھنگ کے لیے 56، جہلم کے لیے 44، قصور کے لیے 58، خانیوال کے لیے 51، خوشاب کے لیے 40، لاہور کے لیے 131، لیہ کے لیے 51، لودھراں کے لیے 30 اور منڈی بہاءالدین کے لیے 37 نشستیں مختص کی گئی ہیں۔
میانوالی کے لیے 58، ملتان کے لیے 82، مری کے لیے 42، مظفر گڑھ کے لیے 65، ننکانہ صاحب کے لیے 35، نارووال کے لیے 30، اوکاڑہ کے لیے 44، پاکپتن کے لیے 28 اور رحیم یار خان کے لیے 58 نشستیں مخصوص ہیں۔
راجن پور کے لیے 44، راولپنڈی کے لیے 70، ساہیوال کے لیے 40، سرگودھا کے لیے 70، شیخوپورہ کے لیے 65، سیالکوٹ کے لیے 56، ٹوبہ ٹیک سنگھ کے لیے 44، تونسہ کے لیے 44 اور وہاڑی کے لیے 44 نشستوں کا کوٹہ مقرر کیا گیا ہے۔
ریسکیو 1122 میں انٹرن شپ کرنے کے خواہشمند نوجوان سینٹرل ٹیسٹ سروس میں آن لائن درخواست دے سکتے ہیں۔ درخواست دینے کی آخری تاریخ 27 جنوری 2026 مقرر کی گئی ہے۔ انٹرن شپ کرنے والے نوجوانوں کو 40,000 روپے ماہانہ اعزازیہ بھی دیا جائے گا۔