یکم فروری سے ملک میں پیٹرولیم مصنوعات کی قیمتوں میں نمایاں اضافے کا امکان ہے۔
اوگرا نے قیمتوں پر نظر ثانی کا کام مکمل کر لیا ہے اور نئی قیمتوں پر نظر ثانی کی سمری کل پیٹرولیم ڈویژن کو بھجوائی جائے گی۔
ذرائع کے مطابق ہائی اسپیڈ ڈیزل کی قیمت میں 9 روپے 47 پیسے فی لیٹر اور لائٹ ڈیزل آئل کی قیمت میں 6 روپے 95 پیسے فی لیٹر اضافے کا امکان ہے۔
مٹی کے تیل کی قیمت میں 3.69 روپے فی لیٹر اضافے کا امکان ہے۔ تاہم پیٹرول کی قیمت میں 36 پیسے فی لیٹر کمی کا امکان ہے۔
پیٹرولیم ڈویژن وزیراعظم سے مشاورت کے بعد نئی قیمتوں کا نوٹیفکیشن 31 جنوری کو جاری کرے گا۔