فرانس میں دو افراد کو قتل کرنے کی کوشش کے جرم میں پاکستانی شہری کو 30 سال قید کی سزا سنائی گئی ہے۔
ذرائع کے مطابق منڈی بہاؤالدین سے تعلق رکھنے والے 29 سالہ ظہیر محمود نے 25 ستمبر 2020 کو پیرس میں چارلی ہیبڈو میگزین کے سابق دفتر کے باہر لوگوں پر خنجر سے حملہ کیا۔ ظہیر محمود کا خیال تھا کہ چارلی ہیبڈو میگزین کا دفتر اب بھی وہاں موجود ہے۔
ظہیر محمود 2019 میں پاکستان سے غیر قانونی طور پر فرانس پہنچا تھا۔ پیرس کی خصوصی فوجداری عدالت کے سامنے جمعرات 23 جنوری کو انوکھے مقدمے کا اختتام ہوا۔