پاکستانی ہوائی اڈوں پر ویزا کی ڈیجیٹل تصدیق کے نظام کےاجراء کا فیصلہ کیا گیا ہے۔
وزیراعظم شہبازشریف کے اسٹریٹیجک ریفارمزکےسربراہ سلمان صوفی نے بتایا کہ بیرونِ ملک سفر کرنے والے شہریوں کی سہولت اور ہیومن ٹریفکنگ کی روک تھام کیلئے اہم قدم اٹھایا گیا ہے۔ یہ اقدام وزیراعظم شہبازشریف کی ہدایت پر کیا گیا۔
سلمان صوفی نے بتایا کہ ویزا کی ڈیجیٹل تصدیق کے لئے پاکستان میں موجود متعلقہ سفارت خانوں کواعتماد میں لیا جا رہا ہے۔ ڈیجیٹل تصدیق کے نظام سے پاکستان کی سرحدوں اور ہوائی اڈوں سےغیرقانونی آمدو رفت روکنے میں مدد ملے گی