ڈپٹی کمشنر شاہد عمران مارتھ کی زیر صدارت ڈپٹی کمشنر آفس میں ضلع بھر کے مخیر حضرات کا ایک اجلاس منعقد ہوا۔ اجلاس میں ایڈیشنل ڈپٹی کمشنر ریونیو ذوالفقار احمد، اسسٹنٹ کمشنر (ہیڈکوارٹر وحید حسن گوندل، اسسٹنٹ کمشنر ملکوال شاہد بشیر سمیت دیگر افسران اور مخیر حضرات بھی موجود تھے۔
منڈی بہاﺅالدین( ایم.بی.ڈین نیوز 11فروری 2023)ڈپٹی کمشنر نے شرکاء سے خطاب کرتے ہوئے کہا کہ بحیثیت مسلمان ہمارا دینی و اخلاقی فریضہ ہے کہ ہم مشکل کی اس گھڑی میں اپنے برادر اسلامی ملکوں ترکیہ اور شام کے زلزلہ متاثرین کی مدد کریں۔ انہوں نے کہا کہ ضلعی انتظامیہ ترکی اور شام کے زلزلہ متاثرین کے دکھ میں برابر کے شریک ہیں اور اس مشکل گھڑی میں متاثرین کو تنہا نہیں چھوڑیں گے۔
زلزلہ متاثرین کیلئے کھانے پینے کا راشن ، آٹا، چاول،چائے دالیں، مصالحے،گھی ، رضائیاں، کمبل، رضائیاں اور ٹینٹ درکار ہیں ۔ لہذا مخیر حضرات اور زندگی کے ہر شعبہ سے تعلق رکھنے والے افرادسے اپیل ہے کہ وہ زلزلہ متاثرین کی فوری امداد کیلئے اس کار خیر میں بڑھ چڑھ کر حصہ لیں اوراپنی استطاعت کے مطابق اپنے مسلمان بھائیوں کی مدد کریں۔