وفاق المدارس الاسلامیہ الرضویہ کا پیغام پاکستان مہم چلانے کااعلان. وفاق المدارس الاسلامیہ الرضویہ کے تحت 29 اکتوبر کو منڈی بہاؤالدین میں مدارس کنونشن ہو گا.
وفاق المدارس الاسلامیہ الرضویہ پاکستان کی مرکزی مجلس عاملہ کا اجلاس چیئرمین ڈاکٹر محمد کریم خان کی صدارت میں میں ہوا۔ ڈاکٹر مفتی محمد حسیب قادری، مفتی امان اللہ شاکر، ڈاکٹر مفتی محمد عمران انور نظامی، مولانا محمد وزیر القادری، پیر ضیاء المصطفی حقانی، مولانا محمد عطاء المصطفی نے شرکت کی
اجلاس میں فیصلہ کیا گیا ہے کہ ملک میں دہشت گردی کی تازہ لہر، انتہاء پسندی اور پرتشدد رویوں کے خلاف ملک بھر میں پیغام پاکستان مہم چلائی جائیگی۔
9 ستمبر ملتان، 10 ستمبر بہاول پور،23 ستمبر سکھر،24 ستمبر ڈیرہ مراد جمالی، 25 ستمبر کوئٹہ، یکم اکتوبر کراچی، 14 اکتوبر میر پور، 15 اکتوبر مظفرآباد، 28 اکتوبر فیصل آباد، 29 اکتوبر منڈی بہاؤالدین، 4 نومبر اسلام آباد میں مدارس کنونشنز ہونگے اور 11 نومبر کو لاہورمیں مرکزی سطح پر تاریخ ساز کنونشن کیا جائے گا
اجلاس میں یہ بھی فیصلہ کیا گیا کہ علماء و مشائخ کا اعلی سطحی وفد جڑانوالہ کا دورے بھی کرے گا۔ چیئرمین ڈاکٹر محمد کریم خان نے کہا فرقہ وارنہ دہشت گردی کے پیچھے طاقتوں کو بے نقاب ہو نا چاہیے۔ تمام سیاسی و مذہبی جماعتیں یک نکاتی ایجنڈے پر متحد ہو جائیں ۔