ڈپٹی کمشنر شاہد عمران مارتھ نے شہر بھر میں جاری صفائی ستھرائی اور تجاوزات کے خاتمے کے عمل کا جائزہ لینے کے لئے شہر کا دورہ کیا،ڈپٹی کمشنر نے نور مسجد سے موٹا فیقا چوک اور ڈاک خانہ چوک میں جاری انسداد تجاوزات آپریشن کا معائنہ کیا۔
منڈی بہاوالدین ( ایم.بی.ڈین نیوز 05 اکتوبر 2023) انہوں نے دکانداروں اور ریڑھی بانوں سے ملاقات کی اور تجاوز کیلئے انتظامیہ کی جانب سے مقرر کردہ حد کے مطابق عمل درآمد کو یقینی بنانے کی ہدایت کی۔
اس موقع پر ڈپٹی کمشنر کا کہنا تھا کہ بازاروں ،گلی محلوں اورنالوں کی صفائی کے علاوہ تجاوزات اوردیگر میونسپل سروسز کی فراہمی کیلئے تمام وسائل بروئے کار لائے جا رہے ہیں تاکہ لوگوں کو درپیش مشکلات فوری طور پر ختم کی جاسکیں۔