وفاقی وزارت پٹرولیم کے ذیلی ادارہ ایکسپلوزو ڈویژن کی طرف سے جاری سروے رپورٹ میں کہا گیا ہے کہ پنجاب کے 15 اضلاع شیخوپورہ، اوکاڑہ، فیصل آباد، چنیوٹ، گوجرانوالہ، سیالکوٹ، گجرات، لاہور، قصور، ننکانہ صاحب، جھنگ، ٹوبہ ٹیک سنگھ، حافظ آباد، نارووال اور منڈی بہاؤالدین میں سینکڑوں کی تعداد میں جعلی پٹرول پمپ چل رہے ہیں ۔
اور ڈبہ اسٹیشنوں پر روزانہ کروڑوں روپے کے سمگل شدہ پٹرول و ڈیزل کا کاروبار ہوتا ہے۔ وزارت پٹرولیم نے مذکورہ 15 اضلاع کے ڈپٹی کمشنروں اور ڈی پی اوز کو ہدایت جاری کی ہے جعلی منی پٹرول پمپوں، ڈبہ اسٹیشنوں اور ایل پی جی ریفلنگ پوائنٹس کے خاتمہ کی خاطر فوری طور پر آپریشن کلین اپ کیا جائے۔