لاہور: محکمہ موسمیات کی پیش گوئی کے مطابق مغربی ہواؤں کا نظام 30 دسمبر سے ملک کے مغربی اور بالائی علاقوں میں داخل ہوگا جس کے نتیجے میں آئندہ چند روز میں ملک بھر میں وقفے وقفے سے بارش اور بعض علاقوں میں برفباری کا امکان ہے۔ یہ نظام بالائی علاقوں میں 2 جنوری 2026 تک جاری رہنے کا امکان ہے۔
مری اور گلیات میں تیز ہواؤں اور گرج چمک کے ساتھ وقفے وقفے سے بارش اور برفباری کا امکان ہے۔ اسلام آباد، راولپنڈی، لاہور، فیصل آباد، سرگودھا، منڈی بہاؤالدین، سیالکوٹ اور گردونواح میں تیز ہواؤں اور گرج چمک کے ساتھ بارش کا امکان ہے۔ 31 دسمبر کو میانوالی، بہاولپور، مظفر گڑھ، جھنگ اور ساہیوال میں بھی چند مقامات پر تیز ہواؤں کے ساتھ بارش کا امکان ہے۔
چترال، دیر، سوات، شانگلہ، مانسہرہ، ایبٹ آباد، پشاور، نوشہرہ، بنوں، کرک، ڈیرہ اسماعیل خان اور دیگر اضلاع میں وقفے وقفے سے بارش اور درمیانی سے شدید برفباری کا امکان ہے۔
کراچی، حیدرآباد، دادو، جیکب آباد، لاڑکانہ، ٹھٹھہ، بدین اور گردونواح میں چند مقامات پر ہلکی بارش یا بوندا باندی کا امکان ہے۔ کوئٹہ، زیارت، چمن، پشین، قلعہ عبداللہ، ژوب، سبی، تربت، گوادر، لسبیلہ، کیچ اور دیگر اضلاع میں تیز ہواؤں، گرج چمک کے ساتھ بارش اور پہاڑوں پر برفباری کا امکان ہے۔
دیامر، استور، سکردو، ہنزہ، وادی نیلم، مظفرآباد، پونچھ اور دیگر علاقوں میں وقفے وقفے سے بارش اور ہلکی برفباری کا امکان ہے۔ چترال، دیر، سوات، شانگلہ، مانسہرہ، ایبٹ آباد، پشاور، نوشہرہ، بنوں، کرک، ڈیرہ اسماعیل خان اور دیگر اضلاع میں وقفے وقفے سے بارش اور درمیانی سے شدید برفباری کا امکان ہے۔