لاہور ہائیکورٹ میں ملزم کی درخواست ضمانت پر سماعت ہوئی۔ عدالت نے کیس کا مکمل ریکارڈ پیش نہ کرنے پر سخت برہمی کا اظہار کیا۔ ڈی پی او منڈی بہاؤالدین کو کل روز ذاتی حیثیت میں طلب کر لیا
جسٹس محمد طارق ندیم نے ملزم عمر فاروق کی درخواست ضمانت پر سماعت کی۔ سماعت کے دوران تفتیشی افسر ڈپٹی پراسیکیوٹر جنرل حافظ اصغر علی کے ہمراہ پیش ہوئے۔
سماعت کے دوران عدالت نے استفسار کیا کہ کیس کا مکمل ریکارڈ کیوں پیش نہیں کیا گیا؟ جس پر تفتیشی افسر نے موقف اختیار کیا کہ اس وقت مکمل ریکارڈ دستیاب نہیں ہے۔ چالان کے ساتھ صرف کچھ ریکارڈز شامل کیے گئے ہیں۔
لیفٹیننٹ (ر) کامران عامر خان ڈی پی او منڈی بہاءالدین تعینات
عدالت نے تفتیشی افسر کے جواب پر سخت برہمی کا اظہار کرتے ہوئے ریمارکس دیئے کہ درخواست ضمانت جیسے اہم معاملے میں مکمل ریکارڈ عدالت کے سامنے ہونا چاہیے تاکہ کیس کے تمام پہلوؤں کا جائزہ لیا جا سکے۔
عدالت نے ناقص تیاری اور نامکمل ریکارڈ پیش کرنے پر ڈی پی او منڈی بہاؤالدین کو کل ذاتی حیثیت میں طلب کرتے ہوئے ہدایت کی کہ کیس کا مکمل ریکارڈ عدالت میں پیش کیا جائے۔