سونے کی قیمتوں میں تیزی سے اضافہ؛ نئی قیمت ہر وقت کی بلند ترین سطح پر

سونے کی قیمت میں مزید اضافے کے نتیجے میں عالمی اور مقامی قیمتیں تاریخ کی بلند ترین سطح پر پہنچ گئیں۔

بین الاقوامی بلین مارکیٹ میں فی اونس سونے کی قیمت 60 ڈالر اضافے سے 3540 ڈالر کی نئی بلند ترین سطح پر پہنچ گئی جس کے نتیجے میں مقامی سطح پر 24 قیراط سونے کی قیمت بھی 6 ہزار روپے فی تولہ اضافے سے 3 لاکھ 76 ہزار 700 روپے کی نئی بلند ترین سطح پر پہنچ گئی۔

اسی طرح ملک میں فی 10 گرام سونے کی قیمت 5,144 روپے اضافے سے 322,959 روپے کی نئی بلند ترین سطح پر پہنچ گئی۔