منڈی بہاؤالدین میں پٹرول پمپ پر آئل ٹینکر سے ایندھن منتقل کرتے ہوئے آگ بھڑک اٹھی جس نے پٹرول پمپ اور وہاں کھڑے ٹرک کو لپیٹ میں لے لیا۔ ریسکیو کے مطابق آئل ٹینکر میں 15 ہزار لیٹر پٹرول اور 10 ہزار لیٹر ڈیزل تھا۔
منڈی بہاءالدین کے علاقے مانگٹ میں پیٹرول پمپ پر اس وقت خوفناک آگ لگ گئی جب آئل ٹینکر منتقل کیا جارہا تھا۔ ریسکیو ذرائع کے مطابق آئل ٹینکر میں 15 ہزار لیٹر پیٹرول اور 10 ہزار لیٹر ڈیزل بھرا ہوا تھا جو مکمل طور پر آگ کی لپیٹ میں آگیا۔
آگ نے نہ صرف پٹرول پمپ کو اپنی لپیٹ میں لے لیا بلکہ وہاں موجود ٹرک کو بھی جلا دیا۔ واقعے کے بعد ہر طرف دھوئیں کے گہرے بادل چھا گئے۔ ریسکیو ٹیمیں فوری طور پر موقع پر پہنچ گئیں اور آگ پر قابو پانے کی کوششیں جاری ہیں۔ ابھی تک کسی جانی نقصان کی اطلاع نہیں ہے۔