گوجرانوالہ (سٹی رپورٹر)گوجرانوالہ ڈویژن میں 3ماہ میں مہنگے دامو ں اشیا خورونو ش فروخت کرنیوالے دکانداروں کو 4کروڑ سے زائد جرمانہ، 524 ایف آئی آرز اور 2ہزار سے زائد گرنفروشوں کو گرفتار کیاگیا ۔
کمشنر نوید حیدر شیرازی کی زیر صدارت ڈپٹی کمشنرز اورمتعلقہ افسروں کے ویڈیو لنک اجلاس کے دوران بتایاگیا کہ سیالکوٹ میں ایک کروڑ 13 لاکھ سے زائد جرمانہ، 223 ایف آئی آرز اور 435 افراد کو گرفتار کیا گیا ،گوجرانوالہ میں 78 لاکھ 96 ہزار جرمانہ، 59 ایف آئی آرز اور 266 گرفتار ، حافظ آباد میں38 لاکھ66 ہزار جرمانہ، 27ایف آئی آرز اور 182گرفتار کیا گیا.
یہ بھی پڑھیں: منڈی بہاوالدین سے اسمگل ہونے والی گندم کے 18150 بیگز پکڑ لئے گئے
منڈی بہاؤالدین میں46لاکھ سے زائد جرمانہ، 138 ایف آئی آرز اور 733 گرفتار ، نارووال میں 42 لاکھ73 ہزار جرمانہ، 33 ایف آئی آرز اور 477 گرفتار جبکہ گجرات میں 83 لاکھ جرمانہ ، 44 ایف آئی آرز اور57 گرانفروشوں کو گرفتار کیا گیا ، ڈویژن میں 4 ہزار 566 میٹرک ٹن چینی کا سٹاک موجود ہے ، 4 لاکھ 14 ہزار 939 میٹرک ٹن گندم خریدی جا چکی جبکہ 30 ہزار509 میٹرک ٹن گندم برآمد اور 896 میٹرک ٹن گندم قبضہ میں لی جا چکی ہے ۔