وفاقی محتسب اعجاز احمد قریشی کی خصوصی ہدایت پر انچارج وفاقی محتسب ریجنل آفس، سرگودھا مشتاق احمد اعوان07دسمبر 2022بروزبدھ صبح 10بجے صوبائی محتسب آفس، منڈی بہاوالدین میں وفاقی محکموں کے خلاف رجسٹرڈ عوامی شکایات سننے کیلئے کھلی کچہری لگائیں گے۔
منڈی بہاوالدین ( ایم.بی.ڈین نیوز 06دسمبر 2022) انچارج وفاقی محتسب ریجنل آفس، سرگودھا مشتاق احمد اعوان نے بتایا کہ بیشتر شکایات گیپکو، سوئی گیس، پاسپورٹ آفس، نادرا، بینظیر انکم سپورٹ پروگرام ، بیت المال اور دیگر وفاقی محکمہ جات کے بارے میں ہیں۔
رجسٹرڈ شکایات کے بارے میں سائلین اور متعلقہ وفاقی محکموں کے افسران کو پیشگی نوٹسز بھجوائے جا چکے ہیں. اسکے علاوہ پرنٹ اور الیکٹرانک میڈیا کے ذریعے بھی عوام الناس کو اطلاع دی جا رہی ہے ۔ اسی روز وفاقی محکموں کے خلاف نئی شکایات بھی وصول کی جائیں گی۔