آج رات موسم کی صورتحال کے حوالے سے محکمہ موسمیات کا کہنا ہے کہ ملک کے بیشتر میدانی علاقوں میں موسم سرد اور خشک رہے گا جب کہ شمالی علاقہ جات اور شمالی بلوچستان میں شدید سرد رہے گا۔ پنجاب، خیبرپختونخوا اور بالائی سندھ کے میدانی علاقوں میں شدید دھند اور سموگ کا راج رہے گا۔
جمعرات کو موسم کی صورتحال کے حوالے سے محکمہ موسمیات کا کہنا ہے کہ اسلام آباد اور گردونواح میں موسم سرد اور خشک رہے گا۔ صبح کے اوقات میں بعض مقامات پر دھند پڑنے کا امکان ہے۔ جبکہ اس دوران بعض مقامات پر دھند پڑنے کا بھی امکان ہے۔
اس کے علاوہ خیبرپختونخوا کے بیشتر اضلاع میں موسم سرد اور خشک جبکہ بالائی اضلاع میں شدید سرد رہے گا۔ چارسدہ، مردان، نوشہرہ، صوابی، پشاور، لکی مروت، بنوں، ڈیرہ اسماعیل خان اور گردونواح میں شدید دھند پڑنے کا امکان ہے۔
محکمہ موسمیات کے مطابق پنجاب کے بیشتر اضلاع میں موسم سرد اور خشک جبکہ مری، گلیات اور گڑ دو اضلاع میں شدید سرد اور خشک رہے گا۔ بہاولپور، ساہیوال، اوکاڑہ، قصور، لاہور، سیالکوٹ، نارووال، گوجرانوالہ، جہلم، منگلا، فیصل آباد، جھنگ، سرگودھا، منڈی بہاؤالدین، ٹوبہ ٹیک سنگھ، خانیوال، ملتان، خانپور، رحیم یار خان، حافظ آباد، بھکر، لیہ، ڈیرہ غازی خان اور گردونواح میں سموگ چھائی رہے گی جس کے باعث صوبے کے بیشتر اضلاع میں دن کا درجہ حرارت معمول سے قدرے کم رہے گا۔
اس کے علاوہ پوٹھوہار ریجن میں بعض مقامات پر صبح کے اوقات میں دھند پڑنے کا امکان ہے۔ محکمہ موسمیات کی جانب سے وارننگ جاری کردی گئی جس کے مطابق رواں ہفتے کے دوران پنجاب، خیبرپختونخوا اور بالائی سندھ کے میدانی علاقے شدید دھند کی لپیٹ میں رہیں گے۔ شہریوں کو محتاط رہنے کا مشورہ دیا گیا ہے۔ شدید دھند کے باعث پنجاب کے بیشتر علاقوں میں دن کا درجہ حرارت معمول سے نیچے رہے گا۔