ڈپٹی کمشنر منڈی بہاؤالدین ڈاکٹر محمد فیصل سلیم کی خصوصی ہدایات پر ڈی او انڈسٹریز رانا سعید نے رائیکہ فلور اینڈ رائس ملز پھالیہ کا اچانک دورہ کیا۔ ڈی او انڈسٹریز نے رائس اینڈ فلور ملز کے کمپیوٹرائزڈ کنڈوں کا معائنہ کیا۔
معائنہ کے دوران کمپیوٹرائزڈ کنڈا کی ایکسل لوڈ مینجمنٹ ایپ استعمال نہ کرنے اور آن لائن رجسٹریشن نہ کرنے پر کنڈا مالک کے خلاف کارروائی کی گئی اور رائکا فلور ملز کا کنڈا سیل کر دیا گیا۔
ڈی او انڈسٹریز رانا سعید نے بتایا کہ ڈپٹی کمشنر کی خصوصی ہدایات پر ملوں کے کنڈوں کی چیکنگ کا عمل تسلسل کے ساتھ جاری ہے۔ کسی بھی کنڈا مالک کے خلاف سخت کارروائی کی جائے گی جو ایکسل لوڈ مینجمنٹ ایپ استعمال نہیں کرے گا اور آن لائن رجسٹریشن نہیں کرے گا۔