ڈپٹی کمشنر شاہد عمران مارتھ نے ڈسٹرکٹ انڈسٹریل ہوم منڈی بہاﺅالدین کا دورہ کیا، اپنے دورے کے دوران انہوں نے ڈسٹرکٹ انڈسٹریل ہوم میں جشن بہاران فیسٹیول کا فیتہ کاٹ کر افتتاح کیا۔ اس موقع پر طالبات کی جانب سے ہاتھ سے بنائی گئی مصنوعات اور کھانے پینے کی اشیاءکے سٹالز لگائے گئے تھے۔
منڈی بہاﺅالدین( ایم.بی.ڈین نیوز 23فروری 2023) ڈپٹی کمشنر نے ڈسٹرکٹ انڈسٹریل ہوم میں مختلف شعبوں کامعائنہ کیا اورہاتھ سے بنائی گئی مصنوعات کے بارے میں بریفنگ لی۔انہوں نے ڈسٹرکٹ انڈسٹریل ہوم کی ٹیچرز کی محنت وکاوشوں اور طا لبات کے ہاتھوں سے بنائی گئی مصنوعات پر مسرت کااظہار کیا اور طالبات کو خوب داد دی۔
ڈپٹی کمشنر کا کہنا تھا کہ ڈسٹرکٹ انڈسٹریل ہوم کا ادارہ خواتین کو خود کفیل بنانے اور انہیں بہترین ہنر سکھانے کیلئے اپنی تمام تر توانائیاں صرف کر رہا ہے۔خواتین اپنے گھر کی خوشحالی کیلئے یہاں ہنر سیکھ کر اپنے خاندان اور بچوں کی بہترین کفالت و پرورش کرسکتی ہیں۔اس موقع پرا نکے ہمراہ مینجر ڈسٹرکٹ انڈسٹریل ہوم وڈپٹی ڈائریکٹر سوشل ویلفیئر عاطف علی وڑائچ بھی تھے۔ڈپٹی کمشنر نے ڈسٹرکٹ انڈسٹریل ہوم کے بہترین انتظامات پر مینجر اور سٹاف کی کاوشوں کوسراہا۔