ڈپٹی کمشنر شاہد عمران مارتھ نے میونسپل کمیٹی پھالیہ کے اہلکار وسیم حسن کی بیوہ کو گھر جا کرڈیتھ گرانٹ اور 4 ماہ کی تنخواہ کے 31 لاکھ 68 ہزار روپے مالیت کا چیک دے دیا۔ ڈپٹی کمشنر نے فوت شدہ اہلکار کی درجات بلندی کیلئے دعا کی۔
ڈپٹی کمشنر نے بیوہ کے سر پر ہاتھ رکھا اور بیٹے کو پیار دیا۔ یاد رہے کہ میونسپل کمیٹی پھالیہ کے اہلکار وسیم حسن 10 دن پہلے وفات پا گئے تھے، جس پر ڈپٹی کمشنر نے فوت شدہ اہلکار کے ڈیتھ واجبات 10 دن میں کلیئر کروا کر بیوہ کو چیک ادا کر دیا۔
اس موقع پر اسسٹنٹ کمشنر پھالیہ محمد افضال، چیف آفیسر پھالیہ بشیر تارڑ اور دیگر بھی موجود تھے۔