ڈپٹی کمشنر شاہد عمران مارتھ کی ہدایت پر سیکرٹری آر ٹی اے فریال نعیم نے ضلع کے اڈہ جات پر اور مختلف روٹس پر چلنے والی گاڑیوں، ڈمپرز کو اچانک چیک کیا، اوور لوڈنگ ،زائد کرایہ وصول کرنے والی 30گاڑیوں اور ڈمپرزکے چالان کئے اور 6گاڑیاں تھانوں میں بند کرا دیں جبکہ 23ہزار روپے جرمانہ بھی عائد کیا۔
منڈی بہاﺅالدین( ایم.بی.ڈین نیوز 03جون 2023 ) دریں اثناءسیکرٹری آر ٹی اے نے ٹرانسپورٹرز سے اپنے دفتر میں ملاقات بھی کی۔ اس موقع پر سیکرٹری آر ٹی اے فریال فخر کا کہنا تھا کہ حکومت کی جانب سے عوام الناس کو براہ راست ریلیف پہنچانے کیلئے پٹرولیم مصنوعات کی قیمتوں میں کمی کر کے سفری گاڑیوں کے کرایوں میں بھی کمی کی گئی ہے ۔
ان کا کہنا تھا کہ حکومت پنجاب اور ڈپٹی کمشنر شاہد عمران مارتھ کی واضح ہدایات ہیں کہ اے سیز اور نان اے سیز پبلک ٹرانسپورٹ کے کرایوں میں فوری طور پر کمی لائے جائے تا کہ عوام حکومتی اقدامات سے مستفید ہو سکیں۔ انہوں نے ٹرانسپورٹرز کو خبردار کیا کہ زائد کرایہ وصول کرنے والوں کے خلاف سخت کاروائی عمل میں لائی جائے گی اور کسی کے ساتھ کوئی رو رعائت نہ برتی جائے گی۔
سیکرٹری آر ٹی اے نے پبلک ٹرانسپورٹرز کو ہدایت کی کہ وہ بس سٹینڈز پر کرایوں میں کمی کے حوالے سے واضح طور پر سابقہ اور نئے کرائے نامے نمایاں جگہوں پر آویزاں کئے جائیں۔