لاہور: سابق وزیراعلیٰ پنجاب عثمان بزدار کے دور میں کرپشن کی تحقیقات کرنے والے تفتیشی افسر کے خلاف تحقیقات کا آغاز کر دیا گیا ہے۔ پبلک اکاؤنٹس کمیٹی تھری نے بزدار دور میں ہونے والی بڑی مالی بے ضابطگیوں کی تحقیقات پر عدم اعتماد کا اظہار کیا ہے۔
پبلک اکاؤنٹس کمیٹی کی جانب سے طلب کیے جانے پر تفتیشی افسر نے چھٹی لے لی۔ پبلک اکاؤنٹس کمیٹی تھری نے تفتیشی افسر کے پیش نہ ہونے کا سخت نوٹس لیا ہے۔ پبلک اکاؤنٹس کمیٹی تھری نے ایڈیشنل چیف سیکرٹری کو تفتیشی افسر کی کوتاہی کی تحقیقات کرنے کی ہدایت کی ہے۔
کمیٹی تھری نے تفتیشی افسر ڈاکٹر فرح مسعود کو دوبارہ طلب کر لیا ہے۔ بزدار دور میں ڈسٹرکٹ ہیلتھ اتھارٹی منڈی بہاؤالدین میں 200 ملین روپے کی مالی بے ضابطگیوں کی تحقیقات کے لیے ممبر انکوائری ڈاکٹر فرح مسعود کو نامزد کیا گیا۔ پبلک اکاؤنٹس کمیٹی تھری نے ممبر انکوائری ڈاکٹر فرح مسعود کی تحقیقات پر عدم اعتماد کا اظہار کیا ہے۔