ملکوال کے علاقہ رکن کے قریب شدید بارش کے باعث مکان کی چھت گرنے سے ملبے تلے دب کر 9 ماہ کا بچہ جاں بحق جبکہ میاں بیوی زخمی ہوگئے ہیں۔
ریسکیو ذرائع کے مطابق ملکوال اور گردونواح میں ہونے والی موسلادھار بارش سے رکن قصبہ کے قریب ایک مکان کی بوسیدہ چھت گر گئی۔
منڈی بہاؤالدین میں طوفانی بارشوں اور سیلاب سے 2 افراد جاں بحق ہوگئے
گل خان اپنی بیوی اور 9 ماہ کے بچے کے ساتھ کمرے میں سو رہا تھا کہ شدید بارش کی وجہ سے چھت گر گئی جس میں گل خان اس کی بیوی اور بچہ ملبے تلے دب گئے۔
چھت گرنے کی آواز سن کر ہمسائے موقع پر پہنچے اور ملبے تلے دبے تینوں افراد کو نکال کر سول ہسپتال رکن پہنچایا جہاں بچہ زخموں کی تاب نہ لاتے ہوئے دم توڑ گیا جبکہ گل خان اور اس کی بیوی کو طبی امداد دے کر فارغ کر دیا گیا