یونان میں گزشتہ ماہ تارکین وطن کی ایک کشتی الٹنے کے بعد سیکڑوں افراد لاپتہ ہیں جب کہ متعدد افراد کی ہلاکت کی تصدیق کی گئی ہے۔ یونانی حکام نے حادثے میں جاں بحق ہونے والوں میں 15 پاکستانیوں کی شناخت کی تصدیق کر دی ہے۔
حکام کے مطابق حادثے میں جاں بحق ہونے والوں میں گجرات کے 6 اور گوجرانوالہ کے 4 افراد بھی شامل ہیں۔ دیگر میں شیخوپورہ، راولپنڈی، میرپور، وہاڑی اور منڈی بہاؤالدین کے لوگ شامل ہیں۔
گزشتہ ماہ 23 جون کو وفاقی وزیر داخلہ رانا ثناء اللہ نے اپنے بیان میں کہا تھا کہ یونان کشتی حادثے میں جاں بحق ہونے والے پاکستانیوں کی تعداد 350 ہے۔ شناخت کے بعد لاشیں پاکستان لائی جائیں گی۔